بصراحة الجزمة دي طلعت أحلى من توقعاتي بكتير! من أول ما فتحت البوكس وأنا مبسوطة من شكلها، لأن التصميم فعلاً شيك وكلاسيك وفي نفس الوقت بسيط وناعم، ينفع للمشاوير المهمة، الشغل، أو حتى خروجة شيك بالليل. الكعب عريض وارتفاعه مثالي – مش عالي يوجع، ولا واطي يخلي اللبس باين كاجوال. بالضبط اللي كنت بدور عليه! من ناحية الراحة: الجزمة مريحة جدًا جدًا، قعدت بيها ساعات طويلة في الشغل ومفيش أي وجع في الرجل، لا في الكعب ولا في مشط الرجل. الخامة من جوه ناعمة وبتحضن الرجل كأنها معمولة على مقاسي بالظبط. حتى وأنا ماشية كتير، مفيش صوت مزعج ولا تقطيع في المشي، يعني مناسبة للبنات اللي بتتحرك كتير يومها. الخامة شكلها فخم في الحقيقة أكتر من الصور، والماتريال مش بتخربش أو يتوسخ بسهولة. جربتها مع بنطلون جينز، ومع فستان ميدي، وفي كل مرة كانت طالعة طوحفة. الكعب كمان ثابت ومش بيتهز، فحسيت بثبات وثقة وأنا ماشية نصيحة: لو بتدوري على جزمة سودا تنفع كل حاجة وفيها راحة وأناقة، دي هتبقى اختيار ممتاز. مقاسي طلع مضبوط (أنا اخترت مقاسي العادي)، فلو بتحتاري بين مقاسين، خدي الأكبر سنة لو رجلك عريضة. بكل صدق، من أحلى القطع